فقط عندما تصل الى نتيجه او تجد الاجابه او بمعنى اصح تتدعي انك خلاص لقيتها وقتها فقط نستطيع ان نحكم عليك و نقيمك و نحكم على ما توصلت اليه من الحيث الصواب و الخطأ من حيث الحقيقه او الوهم و الكدب.
هذا هو جوهر الحياة عامة . الله لا يحسابنا طالما احنا لسه عالارض . الحساب بيكون في النهاية . و طول ما احنا عايشيين هو سايبنا براحتنا.
الامتحان بيكون اخر السنه طول السنه اعمل اللي انت عايزه العب براحتك . بس المهم في الامتحان.
انا انتقد كثيرا من اتخذ فكرة معينة يدافع عنها باستماته او مبدأ معين ثابت يعيش عليه بفرضه ان هذا المبدأ و هذة الفكره هي حقيقة مطلقة .. هو بذلك اعطى للاخرين الحق في انتقاده و الحكم عليه بمعايير الصواب و الخطأ . بالذات في عالم مثل عالما حيث لا يوجد شئ ثابت فعلا . و انما هو عباره عن بعض المتغيرات المؤقته طويلة الاجل و لكنها تظل مؤقته . عالم لا يعرف كلمة مطلق , هذا بجانب تفكيرنا المحدود الذي لا يستطيع استعاب فكرة الحقيقة المطلقة . عقل لا يملك سوى التفكير و الاجتهاد . من منا_ يمتلك عقل مثل هذا العقل _ يستطيع ان بجزم انه على صواب مطلق او يعرف حقيقه مطلقه بعينها.
انا ما زلت ابحث عن الاجابه عن الحقيقه عن الطريق ما زلت ابحث عن صوابي. انا لم اصل بعد الى اي شئ من السابق لكني مازلت افكر و اجتهد و احاول و طالما انا لسه في نص الطريق فمش من حقك تقوللي اني في المكان الغلط لاني لسه ما وصلتش.
البشريه كلها تحيا بالتفكير و و للتفكير و الاجتهاد . منذ بدء الخلقيه و حتى قيام الساعه مازلت البشريه تبحث عن اجابه و تبحث عن حقيقه . الغربي رغم كوننا في منتصف او بالاصح بداية الطريق نضيع و قتنا في الحكم على الاخرين و نحاسبهم من حيث كونهم مصيبين او مخطئين , مؤمنين او ملحدين , ناجحين او فاشلين و رغم اننا لسه عايشين ما خلاصنا مذاكره و الامتحان ما جاش.
انا لسه عايش و لسه بحل لما اخلص ورقة الاجابه ساعته بس تقدر تحكم علي اذا كنت صح او غلط.
استنى عندك منك ليه . مين قال ان انت اللي معاك نموذج الاجابه . مين قال ان انت اللي صح و انا اللي غلط . انت مش واخد بالك انك طالب زي زيك و لا ايه.
كلنا في لجنه واحده . سيبوا التصحيح للي عنده الاجابه.
https://www.facebook.com/note.php?note_id=10150188371562882امضاءمسجون اسمه انا
No comments:
Post a Comment