انا :ارحم نفسك ... كفايه تفكير.
خيالي : الكلام ده تقوله لنفسك ... مش ليه.
نفسي : محدش ليه دعوه بيا كل واحد يخليه في حاله.
عقلي : هي الناس دي بتزعق ليه؟ هو انا عملتلهم حاجه؟ ... مانا قاعد بفكر بعيد عنهم اهه.
قلبي : انا عمال ادق ادق و هما ما وراهمش حاجه غير الخناق.
جسمي : اموت واعرف البقف ده حاطط اديا على خدي ليه؟ ... انا عايز اهرش!
عقلي الباطن : خليكو كده على طول بتتخانقو مع بعض ... انا مليش دعوه بيكو احسن لو الروح جت و شافتنا بنتخانق مش هيحصل كويس.
روحي : في ايه؟ زهقتوني في عيشتي - بتتخانقو ليه ... والله لو ما قعدتوا ساكتين لسيباكو و ماشيه , وساعتها كل واحد مسؤول عن اللي هيجراله.